İsveç çempionatında 22-ci turun görüşləri davam edir.
Sportinfo.az xəbər verir ki, Avropa Liqasının qrup mərhələsində "Qarabağ"ın rəqibi olan "Hekken" səfərdə "Degerfors"un qonağı olub.
Qarşılaşma meydan sahiblərinin 1:0 hesablı qələbəsi ilə başa çatıb. Oyunda yeganə qolu 62-ci dəqiqədə Elyas Bouzaiene vurub.
22 turdan sonra 44 xal toplayan "Hekken" turnir cədvəlinin 3-cü pilləsində qərarlaşıb.
"Qarabağ" Avropa Liqasının H qrupunda "Hekken"lə yanaşı "Bayer" və "Molde" ilə mübarizə aparacaq.