.jpg)
"Qalatasaray” Çempionlar Liqasının pley-off mərhələsinə vəsiqə qazanıb.
Qol.az xəbər verir ki, İstanbul təmsilçisi üçücü mərhələnin cavab görüşündə Sloveniya “Olimpiya”sına qalib gəlib (1:0).
Qarşılaşmada yeganə qola 24-cü dəqiqədə Mauro İkardi imza atıb.
“Sarı-qırmızılılar” səfərdəki ilk matçda da rəqibini məğlub etmişdi (3:0).
“Qalatasaray” pley-off mərhələsində Norveç “Molde”si ilə üz-üzə gələcək. Bu raundun oyunları avqustun 23-də və 29-da keçiriləcək.
“Olimpiya” isə mübarizəni Avropa Liqasının pley-off mərhələsində davam etdirəcək. Bu mərhələdə onların rəqibi “Qarabağ” (Azərbaycan) - HİK (Finlandiya) cütünün qalibi olacaq.
İlk qarşılaşma avqustun 24-ü “Olimpiya”nın meydanında olacaq. Cavab matçı avqustun 31-də keçiriləcək.
Ağdam təmsilçisi ilk oyunda Bakıda qələbə qazanıb (2:1). Cavab görüşü avqustun 17-də Helsinkidə olacaq.
