Messi "Barselona"dan niyə getmək istədiyini açıqladı

25 May 00:00 İspaniya 2 809
Messi "Barselona"dan niyə getmək istədiyini açıqladı

"Barselona"nın kapitanı Lionel Messi 2016-cı ildə komandadan ayrılmaq istəyində olduğunu etiraf edib.

Sportinfo.az xəbər verir ki, argentinalı superulduz həmin dönəm vergidən yayınmaqda ittiham olunduğu üçün bu fikirdə olduğunu söyləyib.

Leo hazırda isə karyerasını Kataloniya klubunda bitirmək arzusunda olduğunu vurğulayıb: "Barselona"dan bu komandaya görə yox, İspaniyanı tərk etmək üçün getmək istəyirdim.

Mənimlə pis rəftar edildiyini hiss edirdim və burada qalmaq istəmədim. Heç vaxt rəsmi təklifim olmayıb, çünki hamı burada qalmaq fikrimi bilirdi. Mənim və ailəm üçün çox çətin dönəm idi, insanlar o anda baş verənlərin çox azını bilirlər. Hazırda isə məqsədim karyeramı "Barselona"da bitirməkdir".

Lionel Messi 2004-cü ildən "Barselona"nın əsas komandasının formasını geyinir. O, bu müddətdə 10 dəfə La Liqanın, 6 dəfə Kral Kubokunun, 8 dəfə Superkubokun, 4 dəfə isə Çempionlar Liqasının qalibi olub.

Xəbər Lenti
14 İyul 10:10 Bravo Sizi gözləyir!