"Barselona”nın zədəli hücumçusu Luis Suares vəziyyəti ilə bağlı açıqlama verib.Sportinfo.az xəbər verir ki, “Marca” nəşrinə danışan uruqvaylı hücumçu La Liqa başlayanda oynamağa hazır olacağını deyib:
“Açığı, daha tez sağalmaq istəyirdim. Həkim yaxşı olduğumu və qısa zamanda geri qayıda biləcəyimi bildirib. Komandam meydana qayıdanda mən də oynamağa hazır olacam”.
Koronavirus pandemiyasına görə İspaniya La Liqası martın 11-dən təxirə salınıb. Luis Suares yanvarda dizindən əməliyyat olunmuşdu.