La Liqanın 27-ci turunda “Betis”ə məğlub olan “Real”ın futbolçusu Serxio Ramos fikirlərini bildirib.
Sportinfo.az xəbər verir ki, Madrid təmsilçisinin kapitanı, 1:2 hesabıyla uduzduqları görüşü belə şərh edib:
“Nəticə ədalətli oldu. Biz öz oyunumuza baxmalıyıq. “Betis” yaxşı futbol oynadı. Daha sürətli oynamalıyıq. “Barselona” üzərində qələbə beynimizi bulandırmadı. Qarşıda hələ çox oyunumuz var. Çempion olmaq istəyiriksə, belə məğlubiyyətlər olmamalıdır”.
