ABŞ-ın "Los-Anceles Qalaksi" klubu ilə anlaşan "Sevilya"nın hücumçusu Xavyer Ernandesin okeanın o tayında qazanacağı məbləğ müəyyənləşib.
Sportinfo.az xəbər verir ki, 31 yaşlı meksikalı futbolçunun qazancı ildə 6.5 milyon avro olacaq.
Bu məbləğ ABŞ liqasında ən yüksək məvacib sayılır. Son dəfə məhz "Los-Anceles Qalaksi"də Zlatan İbrahimoviç bu qədər əmək haqqı alırdı.
Andalusiya klubuna geridə qalan yay 7.75 milyon avroya "Vest Hem"dən keçən "Çiçarito" 17 rəsmi oyunda 4 qol vurub ki, onlardan biri də Avroliqanın qrup mərhələsinin ilk turunun Bakıda keçirilmiş "Qarabağ" - "Sevilya" (0:3) görüşündə qeydə alınıb.