.jpg)
"Barselona"nın baş məşqçisi Ernesto Valverde istefaya göndərilib. Sportinfo.az klubun rəsmi saytına istinadən xəbər verir ki, mütəxəssisi bu postda Kike Setyen əvəzləyib. Onunla bu mövsümün sonuna qədər müqavilə imzalanıb.
Setyenin son iş yeri “Betis” olub. O, daha əvvəl “Rasinq”, “Las Palmas” kimi klubları, Ekvatorial Qvineya millisini çalışdırıb.
“Barselona”nın İspaniya superkubokunun yarımfinalında “Atletiko”ya 2:3 hesabı ilə uduzaraq mübarizəni dayandırması Valverdenin qovulmasında başlıca rol oynayıb.
