“Barselona” yayda komandadan ayrılacağını açıqlayan polşalı hücumçu Robert Levandovski üçün əvəzləyici axtarışını davam etdirir.
Sportinfo.az “El Nacional”-a istinadən xəbər verir ki, Kataloniya təmsilçisi “Arsenal”ın forvardı Qabriel Jezusla maraqlanır.
Londonlular braziliyalı forvardı 45 milyon avro qarşılığında satmağa hazırdır.
Bununla belə, “transfermarkt” portalı 29 yaşlı futbolçunun bazar dəyərini 20 milyon avro olaraq qiymətləndirir.
Jezusun “topçular”la müqaviləsinin müddəti gələn ilin yayında başa çatacaq.
37 yaşlı Levandovski bir neçə gün əvvəl mövsümün sonunda “Barselona”dan ayrılacağını açıqlayıb və dünən “Kamp Nou”da azarkeşlərlə vidalaşıb.
