“Real” yay transfer dövründə PSJ-nin iki aparıcı futbolçusunu heyətinə qatmaq istəyir.
Sportinfo.az “sport.es”-ə istinadən xəbər verir ki, Madrid təmsilçisi portuqaliyalı yarımmüdafiəçi Vitinya və mərakeşli müdafiəçi Əşrəf Hakimini transfer siyahısına daxil edib.
Hakimi daha əvvəl də “Real”ın formasını geyinib və “kral klubu”na tanış simadır.
Vitinyanın PSJ ilə müqaviləsinin müddəti 2029-cu ilin ortalarına qədərdir və onun bazar dəyəri təxminən 110 milyon avro olaraq qiymətləndirilir.
Hakiminin isə satış dəyəri 80 milyon avro civarındadır və klubu ilə sözləşməsinin müddəti 2029-cu ilin iyununa qədərdir.
Madrid klubu hər iki futbolçunu yay transfer dövründə heyətinə qatmaq üçün cəhd göstərəcək.
