"Alaves"da yeni baş məşqçi təyinatı baş tutub.
Sportinfo.az klubun mətbuat xidmətinə istinadən xəbər verir ki, İspaniya klubu Eduardo Koudeta ilə anlaşıb.
Argentinalı mütəxəssis mövsümün sonuna qədər komandaya rəhbərlik edəcək. Əgər tərəflər arasında razılıq əldə edilərsə, onunla müqavilə müddəti daha bir illik artırılacaq.
O, son olaraq Braziliyanın “İnternasional” klubunda işləyib. 50 yaşlı mütəxəssis “Rosario Sentral”, “Tixuana”, “Rasinq” (Velyaneda), “Selta”(Viqo), “Atletiko Mineyro” komandalarını da çalışdırıb.
