“Barselona”nın baş məşqçisi Xavi Ernandes Kataloniya klubu ilə yeni müqavilə bağlayıb.
Sportinfo.az xəbər verir ki, bu barədə klubun rəsmi saytı məlumat yayıb.
Yeni müqaviləyə əsasən 43 yaşlı mütəxəssis 2025-ci ilin yayına kimi komandada qalacaq. Onun əvvəlki müqaviləsi 2024-cü ilin yayına qədər idi.
Xatırladaq ki, Xavinin rəhbərliyi altında Kataloniya təmsilçisi 2022/23 mövsümündə ölkə çempionu və superkubokun qalibi olub.
