“Barselona”nın yarımmüdafiəçisi Pedri komandaya yeni cəlb olunan oyunçular sayəsində qarşıdakı mövsümdə daha yaxşı çıxış edəcəklərini düşünür.
Sportinfo.az xəbər verir ki, ispan futbolçu yeni transferlərin oyunu maraqlı edəcəyini deyib:
“Yeni transferlər oyunumuzu daha maraqlı edəcək. Mən yeni mövsümü həvəslə gözləyirəm. Biz həqiqətən də, çempionatın başlamasını səbirsizliklə gözləyirik”.
Pedri ötən mövsüm kataloniyalıların heyətində 21 oyunda 4 qol vurub və 1 məhsuldar ötürmə edib. Onun klubla müqaviləsi 30 iyun 2026-cı ilə qədərdir.
