Erlinq Haalandı "Mançester Siti"yə satan "Borussiya" hücum xəttini yeni futbolçu ilə gücləndirib.
Sportinfo.az xəbər verir ki, Dortmund təmsilçisi "Ayaks"dan Sebastian Halleri transfer edib.
Almaniya klubu 28 yaşlı hücumçu ilə 2026-cı ilin yayına kimi nəzərdə tutulan müqavilə imzalayıb. "Borussiya" Fil Dişi Sahilindən olan hücumçu üçün Amsterdam təmsilçisinə 34,5 milyon avro ödəyib.
Sebastian Haller "Ayaks"a 2021-ci ilin yayında "Vest Hem"dən transfer olunub.
Hücumçu Niderland klubunun heyətində meydana çıxdığı 42 matçda 34 qol və 9 məhsuldar ötürmə ilə yadda qalıb.