“Mançester Yunayted”in yarımmüdafiəçisi Kobbi Mainu yay transfer pəncərəsinin bağlanmasından əvvəl komandadan ayrılmaq niyyətindədir.
Sportinfo.az “Manchester Evening News”-a istinadən xəbər verir ki, 20 yaşlı futbolçu daha çox oyun praktikasına sahib olacağı bir klubda çıxış etmək istəyir.
Lakin “qırmızı şeytanlar”ın rəhbərliyi Mainunun gələcək üçün önəmli oyunçu olduğunu hesab edir və onu buraxmaq niyyətində deyil.
Baş məşqçi Ruben Amorim isə ingiltərəli futbolçunun bəzi oyun keyfiyyətlərini inkişaf etdirməli olduğunu bildirir. Amorimin fikrincə, bu dəyişikliklərdən sonra o, əsas heyətə düşmək şansı əldə edəcək.
Maiunu 2025/26 mövsümündə yalnız bir dəfə – Liqa kuboku çərçivəsində “Qrimzbi”yə qarşı oyunda meydana çıxıb. Onun komandası ilk mərhələdə penaltilər seriyasında məğlub olaraq, mübarizəni dayandırıb.
