“Mançester Siti”nin müdafiəçisi Ruben Diaş mümkün olan gələcək məşqçilik karyerası haqqında fikirlərini bölüşüb.
Sportinfo.az xarici KİV-ə istinadən xəbər verir ki, məşqçi olma ehtimalı barədə sualı cavablandıran 28 yaşlı futbolçu karyerasını bitirdikdən sonra ilk işinin dünyanı gəzmək olacağını bildirib:
“Düşünürəm ki, mən yaxşı bir məşqçi olardım. Amma həmişə demişəm ki, futbolçu karyeramı bitirdikdən sonra ilk işim dünyanı gəzib, yalnız özüm istəyəndə geri dönməkdir”.
Portuqaliyalı futbolçu 2020-ci ildən “Mançester Siti”nin şərəfini qoruyur. O, cari mövsümdə İngiltərə Premyer Liqasının iki oyununda iştirak edib. Onun klubla hazırkı müqaviləsinin müddəti 2029-cu ilin iyununa qədərdir.
