“Yaxşı bir futbolçunu münasib qiymətə tapsaq…” – “Qarabağ”ın rəqibinin baş məşqçisi

30 Avqust 18:40 İngiltərə 299
“Yaxşı bir futbolçunu münasib qiymətə tapsaq…” – “Qarabağ”ın rəqibinin baş məşqçisi

“Liverpul”un baş məşqçisi Arne Slot mümkün transferlərlə bağlı fikirlərini bölüşüb.

Sportinfo.az xəbər verir ki, mətbuat konfransında çıxış edən niderlandlı mütəxəssis, komandanı gücləndirmək imkanı yaranarsa, klubun bundan çəkinməyəcəyini bildirib:

“Komandamızı gücləndirmək imkanımız varsa, bunu etməyə çalışacağıq. Yaxşı bir futbolçunu münasib qiymətə tapsaq, hər şey mümkündür”.

“Liverpul” yay transfer pəncərəsində transferlərə təxminən 350 milyon avro xərcləyib. “Qırmızılar” Florian Virts, Uqo Ekitike və digər futbolçuları heyətinə qatıb.

İngiltərə Premyer Liqasının ilk iki turundan sonra “Liverpul” 6 xal toplayaraq, turnir cədvəlinin 3-cü pilləsinda qərarlaşıb. Komanda növbəti turda, avqustun 31-də “Arsenal”ı qəbul edəcək.

Digər Xəbərlər
Xəbər Lenti