“Vulverhempton”un müdafiəçisi Nelson Semedo İngiltərənin başqa bir klubunda oynaya bilər.
Sportinfo.az “Football Transfers”-ə istinadən xəbər verir ki, portuqaliyalı futbolçunun xidmətində “Mançester Yunayted” maraqlıdır.
31 yaşlı oyunçu yayda sərbəst agent kimi “qırmızı şeytanlar”ın heyətinə qoşula bilər.
O, 2024/25 mövsümündə “Vulverhempton”un heyətində 38 oyunda iştirak edib, 5 məhsuldar ötürmə ilə yadda qalıb.
“Mançester Yunayted” Premyer Liqada cari mövsümü turnir cədvəlinin 15-ci, “Vulverhempton” isə 16-cı pilləsində başa vurub.
