“Arsenal”ın futbolçusu Enzli Meytlend-Nayls klubu tərk etmək istəyir.
Sportinfo.az xəbər verir ki, bu barədə 24 yaşlı yarımmüdafiəçi “instagram” hesabında paylaşım edib.
O, paylaşımında daha çox şans qazanacağı bir komandada çıxış etmək istədiyini bildirib:
“Ehtiyacım olan, oynaya biləcəyim bir komandaya getmək istəyirəm”.
Enzlinin “Arsenal”la müqaviləsi 2023-cü ilin yayına qədərdir. İngilis futbolçu bu mövsüm Premyer Liqada 1 oyuna çıxıb.
