Mourinyo istefaya göndərildiyi klublardan 125 milyon avro təzminat qazanıb

19 Aprel 22:00 İngiltərə 319
Mourinyo istefaya göndərildiyi klublardan 125 milyon avro təzminat qazanıb

“Tottenhem”in baş məşqçisi Joze Mourinyo istefaya göndərilib.

Sportinfo.az xəbər verir ki, bu barədə Britaniyanın “Telegraph” nəşri məlumat yayıb.

Portuqaliyalı mütəxəssisin vəzifəsindən kənarlaşdırılması London təmsilçisinin cari mövsüm uğursuz çıxış etməsi ilə əlaqələndirilib.

Son olaraq XXXII turda “Everton”la bərabərə qalan (2:2) paytaxt təmsilçisi hazırda 50 xalla turnir cədvəlinin 7-ci pilləsində qərarlaşır.

58 yaşlı mütəxəssis müqaviləsinə xitam verildiyi üçün 40 milyon avro təzminat alacaq. Maraqlıdır ki, Mourinyo indiyə qədər istefaya göndərildiyi klublardan 125 milyon avro təzminat qazanıb.

Mourinyo 2019-cu ilin noyabrında “Tottenhem”ə baş məşqçi təyin olunmuşdu. Onun müqavilə müddəti 2023-cü ilin yayına qədər nəzərdə tutulurdu.

Digər Xəbərlər
Xəbər Lenti