.jpg)
Portuqaliya Premyer Liqasının XII turunda maraqlı hadisə baş verib.
Sportinfo.az xəbər verir ki, "Belenenseş" klubu koronavirusa kütləvi yoluxma səbəbindən evdə "Benfika"ya qarşı keçirilən matça cəmi 9 futbolçu ilə çıxıb.
Onlardan ikisi qapıçı olub. Qolkiperlərdən biri sahə oyunçusu mövqeyində çıxış edib.
Görüşün ilk hissəsi qonaqların 7:0 hesablı qələbəsi ilə yekunlaşıb
Meydan sahibləri əvvəlcə ikinci hissəni oynamaq istəməyiblər. Yalnız baş hakimin təkidindən sonra komanda 7 nəfərlə meydana qayıdıb.
Amma 46-cı dəqiqədə futbolçulardan biri yerə uzanaraq, zədələndiyini bildirib. "Belenenseş"in heyətində oyunçu sayı 7-dən az olduğu üçün referi görüşü vaxtından əvvəl başa çatdırıb.
Oyundan əvvəl "Belenenseş"in 13 futbolçusu, baş məşqçisi və köməkçiləri, həmçinin klubun 2 əməkdaşında koronavirus aşkarlanıb.
.jpg)
