“Çox sevindirici haldır ki, Premyer Liqada ilk qolumu vura bildim və bu, qələbə qolu oldu”.
Sportinfo.az xəbər verir ki, bu sözləri “İmişli”nin hücumçusu Seyxan Fərəcov deyib.
24 yaşlı forvard bildirib ki, “Şəfa”nın qapısından keçirdiyi qol təkcə onun yox, bütün komandanın əziyyətinin nəticəsidir.
“Əlbəttə, şəxsi olaraq mənim və özünəinamım üçün çox vacib qoldur. Karyeramın ən vacib qolu kimi qeyd edərdim.
Amma daha çox çalışmalıyam, daha güclü Seyxan olmalı və qollar vuraraq komandama kömək etməliyəm.
Qolumuzdan sonra əksinə, hücumda daha aktiv olduq, müdafiədə də daha etibarlı oynadıq. Rəqibə qol vurmaq üçün heç bir imkan yaratmadıq”.
