Premyer Liqanın ilk mövsümündə qarşısına qoyduğu məqsədə çatan «İmişli» yeni baş məşqçisinin adını yaxın günlərdə açıqlayacaq.
O, əcnəbi olacaq.
Aran təmsilçisi hazırda 4 mütəxəssislə danışıqlar aparır.
Onlardan ikisi ispaniyalıdır. Digərləri isə Xorvatiya və Ukraynadan olan çalışdırıcılardır.
Mümkün namizədlər arasında Azərbaycana gəlməyə hansı biri daha yaxındır? İki ispandan biri.
Bizdəki məlumata görə, qeyri-müəyyənliyə gələn həftə nöqtə qoyulacaq. Hər halda klub rəhbərliyi bu istiqamətdə fəal çalışır.
«İmişli» elitada keçirdiyi debüt sezonunda sürprizə imza atmağı bacarıb. Komanda doqquzuncu pilləni tutaraq, proqnorzları alt-üst edib.
Çempionatın yeni iştirakçısını ötən müddətdə Jorj Kaşkilya çalışdırıb. Portuqaliyalı mütəxəssis mayın sonunda ölkəsinə qayıdıb.
SPORTİFNO.AZ
