.jpg)
“İrəvan və Bakı sülh sazişini imzalamazdan əvvəl paraflaya bilər”.
Bunu Ermənistan Baş naziri Nikol Paşinyan mətbuat konfransında bildirib.
“Bəli, belə bir fikir var. Belə bir fikir müzakirə üçün masadadır”, - deyə o əlavə edib.
Onun sözlərinə görə, Ermənistan Azərbaycanla sülh sazişi imzalamaq yolunda heç bir fürsəti əldən vermir, lakin Bakı və İrəvan arasında hələ də kommunikasiyaların açılması ilə bağlı fikir ayrılıqları var:
“Hazırda mənim razılığa çox yaxın olduğumuzu söyləmək üçün konkret variant və ya düstur yoxdur. Formullar var, müzakirələr var. Bir şey aydındır: biz Ermənistanı cəlbedici şərtləri olan tranzit ölkəyə çevirmək istəyirik və hazırıq”.
