AFFA İcraiyyə Komitəsi (İK) bu həftə ərzində növbəti toplanıtısını keçirəcək.
Bu haqda Sportinfo.az-a federasiyadan bildirilib.
Redaksiyamıza verilən informasiyaya görə, qurumun ali orqanı budəfəki yığıncağında növbəti mövsümlə bağlı gündəlikdə olan məsələlərə aydınlıq gətirəcək.
Bura Premyer Liqanın iştirakçı sayı və reqlamenti, I Diviziona buraxılacaq Region Liqası təmsilçilərinin adlarının müəyyənləşməsi, birinci dəstə və əvəzedicilərin çempionatında tətbiq olunacaq yaş/legioner limiti daxildir.
Həmçinin dövlət tərəfindən Premyer Liqa və I Divizion klublarına ayrılacaq birillik yardım paketininin bölüşdürülmə tələbləri İK-nin iclasında masaya yatırılacaq.

