“Türkiyə və Ermənistan quru sərhədinin açılması istiqamətində iş aparır”.
Bunu Türkiyənin xarici işlər naziri Mövlud Çavuşoğlu deyib.
O bildirib ki, Ermənistanın Türkiyədə səfirliyinin açılması yaxın vaxtlar üçün gündəmdə deyil.
Çavuşoğlu bildirib ki, hazırda ölkələr sərhəd-keçid məntəqələrinin açılması üzərində işləyir.
“Ermənistanla yerüstü keçid məntəqələrinin açılması üçün siyasi şərtlərlə yanaşı, ilk növbədə yolları hazırlamaq, körpünü bərpa etmək lazımdır. Artıq körpünün tikintisi ilə bağlı razılaşmalarımız var”, - deyə Çavuşoğlu vurğulayıb.
