“Şimali Makedoniyada kifayət qədər istedadlı futbolçular yetişir”.
Bu sözləri Sportinfo.az-a açıqlamasında “Skopye”nin baş məşqçisi Slavço Georgiyevski deyib.
10 il öncə “Neftçi” və “İnter”in heyətində çıxış etmiş sabiq yarımmüdafiəçi makedoniyalı gənclərdən indiyə qədər kimisə Azərbaycan klublarına təklif etmədiyini bildirib.
O, bunun səbəbinu belə açıqlayıb:
“Baş məşqçi olaraq bunu etməyim doğru olmaz. Məndən kimisə soruşsalar, dost məsləhəti verə bilərəm.
Amma həqiqətən istedadlı futbolçular çoxdur burda. Fikrimcə, onlar Azərbaycana getsələr, özlərini yaxşı tərəfdən göstərə bilərlər.
Premyer Liqanızın klublarına onlara diqqət yetirmələrini məsləhət görürəm”.
