"Beşiktaş" Azərbaycanda yoldaşlıq oyunu keçirəcək.
İstanbul təmsilçisi Türkiyədə baş vermiş zəlzələnin qurbanlarına dəstək olmaq üçün iki matç keçirməyi planlaşdırır.
"Ağ-qaralar" ilk oyunu mart ayında Almaniyada keçirəcək. "Qara qartallar" Azərbaycana aprel ayında səfər edəcək.
"Beşiktaş" burada Azərbaycan klublarından biri ilə xeyriyyə görüşündə üz-üzə gələcək.
Bu barədə məlumatı Türkiyənin “Sabah” nəşri yayıb.
Məsələ ilə bağlı qardaş ölkə təmsilçisinin mətbuat xidmətinin rəhbəri Cihangir Gökdoğan saytımıza açıqlama verib:
“Bəli, doğru məlumatdır. Belə bir oyun planımızda var.
Amma Azərbaycandan hansı komanda ilə oynayacağımız hələ bəlli deyil”.
Klub rəsmisi əməkdaşımızın “Həmin komanda “Qarabağ” ola bilərmi?” sualına isə belə cavab verib: “Böyük ehtimalla "Qarabağ"dır. Ancaq bu dəqiqə üçün tam dəqiq deyil”.
SPORTİNFO.AZ
