Neymar Braziliya milli komandasındakı karyerasını başa vurmağa hazırlaşır.
Sportinfo.az xəbər verir ki, 30 yaşlı hücumçu DÇ-2022-dən öncə açıqlama verib.
Təcrübəli futbolçu Qətərdəki mundialın onun yığma ilə sonuncu turnirinin ola biləcəyini deyib:
"Başqa bir dünya çempionatında oynayacağımı düşünmürəm. Buna zəmanət vermirəm.
Dürüst olmaq lazımdırsa, DÇ-2022-də sonuncu turnirim kimi oynayacağam".
Neymar 2010-cu ildən Braziliya yığmasında çıxış edir. PSJ-nin futbolçusu millinin heyətində meydana çıxdığı 121 matçda 75 qol və 54 məhsuldar ötürmə ilə yadda qalıb.
