Bu gün Azərbaycan Premyer Liqasında XI tura start veriləcək.
Günün yeganə matçında ölkə çempionu "Qarabağ" "Turan Tovuz"u qəbul edəcək.
"Azersun Arena"dakı qarşılaşma saat 19:00-da başlayacaq.
Debütant liderlə görüşə ciddi itkilərlə çıxacaq. Qərb təmsilçisinin heyətində 3 problemli futbolçu var.
Piruzi Marakvelidze zədəli durumdadır. Gürcüstanlı yarımmüdafiəçinin ən yaxşı halda 2 həftədən sonra komandaya kömək edə biləcəyi gözlənilir.
Kapitan Şəhriyar Əliyev də eyni səbəbdən meydana çıxmayacaq.
İngiltərəli hücumçu Natan Oduva da son məşqdə xəsarət alıb. «Tottenhem»in yetirməsinin bu gün forma geyinib-geyinməyəcəyi hakimlərin raportundan asılı olacaq.
SPORTİNFO.AZ
