“Qarabağ” – “Olimpiakos” oyununa hədsiz dərəcədə böyük maraq var.
Ajiotaj təkcə ölkəmizdə deyil, Yunanıstanda da hiss olunmaqdadır.
Qrupda sonuncu olmamaq üçün Bakıda qələbə qazanmağa borclu olan “ağ-qırmızılar” bu axşam ölüm-qalım mübarizəsi aparacaq.
“Qarabağ”ın rəqibinin ilk 3 oyunda xal üzünə həsrət qaldığını nəzərə alsaq, narahatlıq anlaşılandır.
Oyunun ağırlığını dərk edən yunan həmkarlarımız da matç saatlarında Tofiq Bəhramov adına Respublika stadionunda iş başında olacaq.
Bu məqsədlə Yunanıstandan Azərbaycana 7 jurnalist təşrif buyurub.
Avropa Liqasının qrup mərhələsi çərçivəsində baş tutacaq “Qarabağ” – “Olimpiakos” qarşılaşması bu axşam saat 20:45-də başlayacaq.
HƏBİB / SPORTİNFO.AZ
