2022/23 mövsümü üçün hazırlıqlarını Tbilisidə davam etdirən "Turan Tovuz" bu gün ilk yoxlama oyununda qüvvəsini sınayıb.
Sportinfo.az xəbər verir ki, Ayxan Abbasovun yetirmələri Tbilisi təmsilçisi "Merani" ilə üz-üzə gəlib.
İmeda Aşortia və Ayxan Hüseynovun qolları və rəqibin avtoqolu ilə Tovuz təmsilçisi meydandan 3:1 hesabı ilə qalib ayrılıb.
Birinci hissə üçün start heyəti: Kamal Bayramov, Eltun Turabov, Şəhriyar Əliyev, Tərlan Quliyev, Ehtiram Şahverdiyev, Piruzi Marakvelidze, Turan Vəlizadə, Şakir Seyidov, Xəyal Nəcəfov, İmeda Aşortia, Famil Camalov.
İkinci hissə üçün heyət: Mehman Hacıyev, Sadiq Quliyev, Səbail Bağırov, Nazim Həsənzadə, Vüsal Məsimov, Akif Tağıyev, Veysəl Rzayev, Abbas Ağazadə, Cavid Tağıyev, Ayxan Hüseynov, Sadiq Şəfiyev
"Turan Tovuz" Gürcüstan toplanışı çərçivəsində iyulun 27-si "Dinamo" (Tbilisi), 29-u isə "Qaqra" ilə hazırlıq matçı keçirəcək.
