Azərbaycan millisinin futbolçusu Mahir Emreli cari mövsümün sonunda Polşa "Legiya"sından ayrıla bilər.
Sportinfo.az "efotbal.cz" saytına istinadən xəbər verir ki, 24 yaşlı hücumçu Çexiyanın "Slaviya" (Praqa) klubunun maraq dairəsinə düşüb.
İddiaya görə, forvardın çxışını diqqətlə izləyən Praqa klubunun baş məşqçisi Yindrjix Trpişovski onun oyununu bəyənir.
Bildirilib ki, "Legiya" hazırkı çətin vəziyyətdən çıxa bilməsə və avrokuboklarda mübarizəni dayandırsa, Emreli Polşa çempionu ilə vidalaşacaq.
Bu ilin yayından "Legiya"nın formasını geyinən Mahir Emrelinin klubla 2024-cü ilin iyununadək müqaviləsi var.
