.jpg)
Çempionlar Liqasının əsas mərhələsində uğursuz çıxış edən “Araz-Naxçıvan”da islahatlar başlayıb.
Bosniya və Herseqovinada keçirilən V qrupunun hər 3 oyununda məğlubiyyətlə üzləşən Azərbaycan çempionu 2 legionerlə yollarını ayırıb.
Baş məşqçi Joze Alesio Da Silvanın bir müddət əvvəl düşərgəyə cəlb etdiyi 9 braziliyalıdan hücumçu
Pedro Torres və qapıçı Viktor Uqo Piresa buradan ayrılıb. Daha 3 “sambaçı” ilə müqaviləyə isə yaxın günlərdə xitam veriləcək.
Alesionun sükanı arxasında dayandığı "Araz-Naxçıvan" Çempionlar Liqasının əsas mərhələsində biabırçı nəticələr əldə edib.
V qrupunda mübarizə aparan ölkə çempionu"Erebru"ya (İsveç) 2:5, "Loznika Qrad"a (Serbiya) 1:4 və “Mostar”a (Bosniya və Herseqovina) 2:3 hesabıyla uduzub.
Cənubi amerikalı həm millidə, həm də klubda işlədiyindən, qurumun rəhbərliyi onunla bağlı yekun qərarı ümumi nəticələrə əsasən vermək niyyətindədir. Bu, son görüşdə Alesionun diqqətinə çatdırılıb.
SPORTİNFO.AZ
