Amerikalı boksçu, "Kinqpin" ləqəbli Kevin Conson rusiyalı rəqibi Mark Petrovski ilə döyüşdən öncə maraqlı addım atıb.
Sportinfo.az xəbər verir ki, Conson tərəziyə üzərində Rusiya prezidenti Vladimir Putinin portreti və rus bayrağı rənglərində olan köynəklə çıxıb.
Keçmiş dünya çempionunun bu adımı birmənalı qarşılanmayıb və müxtəlif insanlar tərəfindən kəskin etirazlarla qarşılanıb.
46 yaşlı idmançı və onun rus rəqibi bugündən etibarən Moskvada keçiriləcək turnirdə iştirak edəcək.
Conson bu yaxınlarda Rusiya prezidenti Putinə böyük hörmət bəslədiyini və adını Kevin Vladimiroviç olaraq dəyişdirdiyini bildirib.