Koronavirus testlərindən ilk ikisi müsbət, sonuncusu mənfi çıxan "Flamenqo"nun baş məşqçisi Jorji Jezuş ölkəsi Portuqaliyaya dönüb.
Sportinfo.az xəbər verir ki, portuqaliyalı mütəxəssis martın 16-dan karantinə alınmışdı.
Jezuş 2019-cu ildən Braziliya klubunu çalışdırır. Son testinin neqativ olmasına baxmayaraq, onun Portuqaliyaya karantin bitməmiş qayımağı söz-söhbətə səbəb olub.
Hava limanında jurnalistlərə açıqlama verən 65 yaşlı çalışdırıcı ailəsinin yanında olmaq istədiyini deyib: "Bu çətin zamanda ailəmin yanında olmaq istədim.
Onsuz da mövsümə ara verilmişdi və evə qayıtmaq istəyirdim. Liqanın vəziyyəti müəyyənləşəndən sonra qayıdacam".
