
Azərbaycanın II Liqasında çıxış edəcək 14-cü komandanın adına aydınlıq gəlib.
Sportinfo.az AFFA-nın mətbuat xidmətinə istinadən xəbər verir ki, bu, "Şəfa" olacaq.
Bununla bağlı AFFA və PFL arasında aparılan müzakirələr artıq yekunlaşıb.
"Şəfa" yeni mövsümdən II Liqada çıxış etmək uğrunda pley-off mərhələsində "Hypers"ə məğlub olmuşdu. Buna baxmayaraq, komandanın bir neçə gün əvvəl Azərbaycan çempionatlarından kənarlaşdırılan "İrəvan"ın əvəzinə II Liqada oynamasına qərar verilib.