Federasiya ölkə birinciliyində yenilik etdi

16 Yanvar 14:00 Cüdo 144
Federasiya ölkə birinciliyində yenilik etdi

Hövsanda yerləşən Fövqalədə Hallar Nazirliyinin İdman Kompleksində yeniyetmələr arasında cüdo üzrə Azərbaycan birinciliyinə start verilib.

Sportinfo.az Azərbaycan Cüdo Federasiyasının rəsmi saytına istinadən xəbər verir ki, yarışın ilk günündə beş çəki dərəcəsində qaliblərin adlarına aydınlıq gəlib.

Samir Əlquliyev (46 kq), Əlihümbət Qafarov (60 kq), Vüqar Talıbov (81kq), Könül Əliyeva (48 kq) və Pərvanə Abdullayeva (63 kq) bütün rəqiblərinə qalib gələrək Azərbaycan çempionu adını qazanıblar.

Azərbaycan Cüdo Federasiyası, Gənclər və İdman Nazirliyinin birgə təşkilatçılığı ilə keçirilən yarışa yanvarın 17-də yekun vurulacaq. Ölkə birinciliyində 74 klubdan 592 cüdoçu (505 oğlan, 87 qız) mübarizə aparır.

Azərbaycan Cüdo Federasiyası öz fəaliyyətində innovativ yeniliklərin tətbiqini davam etdirir. Artıq bütün rəsmi yerli yarışları Beynəlxalq Cüdo Federasiyasının dünya cüdo turuna daxil olan Qran-pri, Böyük Dəbilqə, Masters, Dünya Çempionatı kimi mötəbər beynəlxalq yarışların standartlarında onlayn rejimdə canlı olaraq həm videosunu, həm də protokol gedişatını izləmək mümkün olacaq.

Xəbər Lenti