"Yeni Çempionlar Liqası o qədər də yaxşı deyil, bəyənmədiyimi dedim"

23 Aprel 21:40 Çempionlar Liqası 389
"Yeni Çempionlar Liqası o qədər də yaxşı deyil, bəyənmədiyimi dedim"

“Liverpul”un baş məşqçisi Yurgen Klopp Çempionlar Liqasının yeni formatı və Avropa Superliqası barədə danışıb.

Sportinfo.az xəbər verir ki, 53 yaşlı mütəxəssis deyib:

“Klubun sahibi Con Henrinin Superliqaya görə məndən və komandadan üzr istəməsi müzakirə olundu. bu mənim üçün kifayətdir. Bir komanda olaraq işimizə, futbola diqqət yetirməliyik.

Bunu edirik. Həmişə yeni turnirlər təqdim etmək olmaz. Superliqanın artıq müzakirə edilməməsi çox yaxşıdır. Lakin yeni Çempionlar Liqası o qədər də yaxşı deyil.

UEFA mənə bu fikri təqdim etdi və bəyənmədiyimi dedim. Çünki 6 matç əvəzinə 10 oyun olacaq və onları necə paylayacağım barədə heç bir fikrim yoxdur.

Heç vaxt qərar verərkən fikri soruşulmayan insanlar məşqçilər, futbolçular və azarkeşlərdir. UEFA da, Superliqa rəhbərliyi də bizdən bu barədə soruşmadı. İstəklər həmişə eynidir: "Daha çox matç oynayın”.

Avropa Superliqası "Real", "Barselona", "Atletiko", "İnter", "Yuventus", "Milan", "Mançester Yunayted", "Mançester Siti", "Liverpul", "Arsenal", "Çelsi" və "Tottenhem" klubları tərəfindən yaradılıb.

Daha sonra 10 klub geri çəkilib. Fikrini dəyişməyən qurucular isə “Real” və “Barelona”dır. Avropa Superliqası fəaliyyətini dayandırıb.

Çempionlar Liqasının yeni formatına əsasən isə 2024/25 mövsümündən başlayaraq qrup mərhələsi ləğv olunacaq, komandaların ümumi sayı 32-dən 36-yə yüksəldiləcək. Həmin vaxta qədər isə yarış indiki formatda davam edəcək.

Digər Xəbərlər
Xəbər Lenti
17 May 23:00 Bu il bağlanmayacaq?