Qış fasiləsində Afrikada daha bir və ya bir neçə azərbaycanlı futbolçu görünə bilər.
Bu barədə Sportinfo.az-a açıqlamasında Cənubi Afrikanın “Stellenboş” komandasının şərəfini qoruyan Turan Manafov deyib.
27 yaşlı sol cinah müdafiəçisi “qara qitə”dən azərbaycanlılara maraq olduğunu söyləyib:
“Azərbaycandakı dostlarımla tez-tez danışıram. Ölkədən çıxmaq istədiklərini deyirlər. Agentimə onlar barədə məlumat vermişəm.
Hazırda bu yöndə müəyyən danışıqlar gedir. Alınsa, ortaya ciddi problem çıxmasa, gələn il 1-2 azərbaycanlı futbolçu karyerasını burada davam etdirəcək.
İnkişaf etmək, bərkimək, həyat təcrübəsi toplamaq üçün legioner həyatı yaşamaq çox yaxşıdır”.
Maraq üçün bildirək ki, Turan Manafov cari mövsümdə “Stellenboş”un heyətində 8 oyunda meydana çıxıb.
HƏBİB
