“Burada ən böyük problem VAR sisteminin tətbiq olunmamasıdır”.
Karyerasını Cənubi Afrika Respublikasında (CAR) davam etdirən Turan Manafov Sportinfo.az-a açıqlamasında belə deyib.
27 yaşlı müdafiəçi yayda “Kəpəz”dən ayrılandan sonra heç kimin gözləmədiyi halda Afrikaya üz tutub və “Stellenboş”la 2 illik müqavilə bağlayıb.
O, CAR çempionatının hakimlik səviyyəsindən gileylənib:
“Bəzən elə qərarlar verirlər ki, adam deməyə söz tapmır. Yeni gələn vaxtlarda elə bilirdim ki, VAR-a baxıb düzəldəcəklər.
Sonra yadıma düşürdü ki, VAR yoxdur. Bəzən hansısa komandalara qarşı açıq-aşkar tərəfkeşlik etdikləri hiss olunur.
Eh, dərin mövzudur, yaxşısı budur çox danışmayım”.
