“Çempionatlar arasında istər-istəməz temp fərqi var”.
Bu sözləri Sportinfo.az-a açıqlamasında “Yurqorden”un hücumçusu Musa Qurbanlı deyib.
Yayda “Qarabağ”dan ayrılaraq legioner həyatı yaşamağa başlayan 22 yaşlı forvard Azərbaycan və İsveç futbolu arasında müqayisə aparıb:
“Bu, daha çox stereotipdir, deyirlər ki, Skandinaviya futbolu fiziki güc üzərində qurulub. Amma elə deyil.
Görünür ki, bütün komandaların texnikalı və keyfiyyətli oyunçuları var. Bəzən sonuncu yerdə gedən komandalar da topla oynamağı sevir, yaxşı hücumlar qururlar.
Ancaq güc futbolu getmir, sadəcə, oyunların keyfiyyəti və tempi yüksəkdir. Bu da yaxşıdır və bizim inkişafımıza kömək edir”.
