Rusiya Premyer Liqasında 2022/2023 mövsümünün sonuncu - 30-cu turunun oyunları keçirilib.
Sportinfo.az xəbər verir ki, azərbaycanlı futbolçular Ayaz Quliyevlə İlya Sadıqovun formasını geyindiyi "Ximki" səfərdə "Nijni Novqorod"un qonağı olub.
Qarşılaşma meydan sahiblərinin 2:0 hesablı qələbəsi ilə başa çatıb.
İlya Sadıqov bu görüşün iştirakçısı olunlar. O, start heyətdə meydana çıxıb və 61-ci dəqiqədə əvəzlənib. Ayaz Quliyev isə cəzalı durumda olduğu üçün matçda iştirak etməyib.
18 xal toplayan "Ximki" 16 komanda arasında turnir cədvəlinin 15-ci pilləsində qərarlaşıb və elitanı tərk edib.
Moskva təmsilçisinin sahibinin azərbaycanlı iş adamı, milyarder Tayfun Sadıqov olmasını da xatırladaq.
