Azərbaycan millisinin forvardı Mahir Emrelinin formasını geyindiyi “Dinamo”ya (Zaqreb) yeni mövsüm kimin rəhbərlik edəcəyi aydınlaşıb.
Zaqrebli rəhbərlik Ante Caçiçlə yola davam etmək qərarı verib.
Onunla 1 illik müqavilə imzalanıb. Əgər tərəflər razılaşarsa, sonradan müqavilə müddətini uzada biləcək.
Mövsümün sonuna yaxın təyinat alan mütəxəssis komandaya çempionluq qazandırıb. Indi isə onun qarşısında daha bir mühüm vəzifə dayanır.
Caçiç “Dinamo”nu Çempionlar Liqasının qrup mərhələsinə daşımalıdır. Tanınmış yerli çalışdırıcı bu tapşırığı yerinə yetirməsi üçün 4 yeni transfer istəyib.
SPORTİNFO.AZ
