“Türkiyə və Azərbaycan çempionatları arasında çox böyük fərq var”.
Uzun illər qardaş ölkədə top qovmuş, başa çatan mövsümü “Neftçi”də keçirmiş Tyaqo Bezerra Sportinfo.az-a açıqlamasında Premyer Liqa ilə Super Liqanı müqayisə edib.
Braziliyalı hücumçunun fikrincə, Türkiyə çemionatı bütün komponentlərdə Azərbaycan birinciliyini üstələyir. Lakin bu o demək deyil ki, komandalarımız Super Liqada mübarizə apara bilməz.
Bezerra “Qarabağ”la “Neftçi”nin hətta Türkiyə “divlər”i ilə medallar uğrunda yarışa biləcəyini deyib:
“Türkiyədəki komanda sayı, azarkeş dəstəyi, futbolun keyfiyyəti, futbolçuların adı – saymaqla qurtarmayacaq qədər üstünlükləri var.
“Qarabağ”la “Neftçi” rahatlıqla oynayıb, rəqiblərə başağrısı ola bilərlər. “Qalatasaray”, “Fənərbağça”, “Beşiktaş”, “Trabzonspor”u çıxsaq, qalanlarının səviyyəsi aşağı-yuxarı bir-birinə yaxındır.
“Neftçi”ylə “Qarabağ” hətta “dördlər”lə də mübarizə apara bilər. Az öncəki sözlərim çempionatın və futbolun ümumi səviyyəsi ilə bağlıdır. Ayrı-ayrı komandaları nəzərdə tutmurdum”.
Tyaqo Bezerra Türkiyədə “Altay”, “Karşıyaka”, “Adanaspor”, “Adana Demirspor” kimi komandaların heyətində 184 oyunda 67 qol vurub. O, “Neftçi”də 25 qarşılaşmada 10 dəfə fərqlənib.
HƏBİB
.jpg)
