Millimizin üzvü Namik Ələskərovun çıxış etdiyi "Bursaspor" Türkiyə 1-ci liqasında növbəti oyununa çıxıb.
Sportinfo.az xəbər verir ki, "timsahlar" 36-cı turda 2-ci pillədə qərarlaşan "Umraniyespor"u qəbul edib.
Görüş Bursa təmsilçisinin 3:2 hesablı qələbəsi ilə yekunlaşıb. "Bursaspor" 90+4-cü dəqiqədə Uğur Yıldızın qolu ilə vacib 3 xal qazanıb. Ələskərov 75-ci dəqiqədə, hesab 2:2 olarkən meydana daxil olub.
Bu nəticədən sonra xallarının sayını 41-ə çatdıran "Bursaspor" 16-cı pilləyə yüksəlib.