"Bursaspor"da çıxış edən Azərbaycan millisinin futbolçusu Namiq Ələskərov daha bir klubun diqqət mərkəzinə düşüb.
Sportinfo.az Türkiyə mətbuatına istinadən xəbər verir ki, 27 yaşlı yarımmüdafiəçi ilə "Ankaragücü" yaxından maraqlanır.
Bu mövsüm Superliqaya yüksələn paytaxt təmsilçisi təcrübəli oyunçunu heyətinə qatmaq istəyir.
Daha əvvəl "Sivasspor"un da Ələskərovun xidmətində maraqlı olduğu bildirilib.
Namiq Ələskərovun "Bursaspor"la 2023-cü ilin yayınadək müqaviləsi var.