"Legiya"da çıxış edən Azərbaycan millisinin futbolçusu Mahir Emreli İngiltərədə "Lester"ə qarşı keçirəcəkləri Avropa Liqasının qrup mərhələsinin V tur oyunundan əvvəl paylaşım edib.
Sportinfo.az xəbər verir ki, 24 yaşlı hücumçu görüşün oynanılacağı "Kinq Pauer" stadionundan məşq fotolarını yayıb.
Son oyunlarda tənqid hədəfinə çevrilən oyunçu "If you plan to build walls around me, know this: I will walk through them" ("Ətrafımda divarlar tikməyi planlaşdırırsınızsa, bilin ki, mən bunların arasından keçib gedəcəyəm") yazıb.
Bu gün keçiriləcək "Lester" - "Legiya" matçı saat 00:00-da start götürəcək.
