"Mahir sağlamdır, peyvənd də olunub, yaxşıdır"

17 Oktyabr 13:40 Bizimkilər 179
"Mahir sağlamdır, peyvənd də olunub, yaxşıdır"

Azərbaycan millisinin forvardı Mahir Emrelinin formasını geyindiyi "Legiya" bu gün Polşa çempionatında növbəti matçına çıxacaq.

Sportinfo.az xəbər verir ki, Varşava təmsilçisi 11-ci turda "Lex"i qəbul edəcək.

Qarşılaşma Bakı vaxtı ilə saat 19:30-da start götürəcək. "Legiya" hazırda 9 xalla 15-ci, "Lex" isə 21 xalla turnir cədvəlinin 2-ci pilləsində qərarlaşıb.

Baş məşqçi Çeslav Mixneviç Emrelinin durumu və “Lex”ə qarşı oynayıb-oynamayacağına aydınlıq gətirib.

O, millimizin forvardının durumunun yaxşı olduğunu deyib: "Mahir Emreli sağlamdır. O, peyvənd də olunub. Əlavə baxışlardan da keçdi və o, “Lex”ə qarşı oynaya bilər. Düşünürəm ki, o, yaxşı oyun keçirəcək".

Azərbaycan millisinin düşərgəsində olduğu zaman ilk koronavirus testi pozitiv çıxdığından Mahir DÇ-2022-nin seçmə mərhələsinin Serbiya ilə oyununda meydana çıxa bilməmişdi. Halbuki onun növbəti 2 testi neqativ çıxmışdı.

Digər Xəbərlər
Xəbər Lenti