«Xəzər Lənkəran»» rəhbərliyi klubun fəaliyyətini tamamilə dayandırmağı planlaşdırır.
Sportinfo.az-ın məlumatına görə, bu barədə göstəriş İstanbuldan – «Palmali»nin baş ofisindən gəlib.
Bu qərar «ağ-yaşıllar»ın fəxri prezidenti Mübariz Mənsimovun 2 aya yaxındır həbsdə olmasıyla əlaqədardır.
Ümumən, Mənsimovlar ailəsi futbolla əlsaqələrini qeyri-müəyyən müddətədək dondurmaq fikrindədir. Bunun nə qədər davam etməsi klubun sahibinin nə vaxt azadlığa çıxmasından, bir də AFFA rəhbərliyində dəyişikliyin nə vaxt gerçəkləşməsindən asılıdır.
«Xəzər Lənkəran»ın əsas komandası 2016-cı ildə fəaliyyətini dayandırsa da, akademiyanın 3 yaş qrupu ölkə çempionatında çıxışlarını davam etdirib. Amma ötən müddətdə də AFFA ilə ixtilaflar bitməyib.
XL rəsmiləri dəfələrlə federasiyanın onlara biganə münasibətindən şikayətlənib, ayrı-seçkliyə məruz qalmalarına diqqət çəkib. Xüsusən 17 yaşlılardan ibarət komandayla bağlı narazılıqlar ciddi hal alıb. U-17-nin məşqçi və futbolçuları dəfələrlə AFFA-nın İntizam Komitəsi tərəfindən cəzalandırılıb.