"Şahruddin Məhəmmədəliyevdən başqa daha bir qapıçı axtarışındayıq".
Sportinfo.az xəbər verir ki, bunu "Qarabağ"ın baş məşqçisi Qurban Qurbanov deyib.
52 yaşlı çalışdırıcı Şahruddin Məhəmmədəliyevin transferindən sonra yeni qolkiper axtarışında olduqlarını söyləyib:
"Qapıçı mövqeyi bir çox klubların yaralı yeridir. İstəmirik ki, həmin mövqedə problem yaşayaq.
Heyətə yeni cəlb etdiyimiz Şahruddin Məhəmmədəliyev tam hazır vəziyyətdə deyil. Yəqin ki, bir müddət sonra daha da yaxşı olacaq.
Təbii ki, bizim üçün lazımlı oyunçudur. Bununla belə, daha bir qapıçı axtarışındayıq.
Hətta 2 gün əvvəl heyətə yeni qolkiper transfer etmək üzrə idik. Lakin onun keçidi alınmadı".
